Kropstilvitan
Kropstilvitan-venjing tekur støði í tí heila menniskjanum og teimum samanhangum sum ein dagligani er í. Her verður kenslulívið, tað sálarliga, kropsliga og andaliga skilt sum ein samla eind, ið ikki kann atskiljast. Vårnatúr tekur støði í Psykomotoriskari terapi og natúrterapi. Báar greinar hava fokus á at skilja samanhangin millum kroppin, sinnið og umhvørvið. Felags nevnarin er at tað verður lagdur dentur á hvussu kroppurin hevur tað, og ikki hvussu kroppurin skal síggja út. Við at fokusera á at styrkja kropstilvitanina styrkjast førleikarnir til at gerast betur vitandi um innaru støðuna í kroppinum, tørvin og møguleikarnar sum kroppurin hevur. Tá vit venja fysisku ressourcurnar, tá fylgja psykisku ressourcurnar við. Tú ert tann sum kennur tín krop best og vårnatúr stuðlar menningini.
Hugleiðing er ein stórur partur av at styrkja kropstilvitanina. Tað er tá vit læra at seta orð á tað sum kroppurin upplivir og sansar, at vit betur skilja samanhangin millum okkara tankar, kropslig signalir, kenslur og atburð. Tískil hava nógvar av venjinginum fokus á at hugleiða. Hugleiðing er kjarnan av at kunna flyta nýggju vitanina og royndirnar inn í gerandisdagin.
Psykomotorisk Terapi
Psykomotirsk terapi er ein viðurkend sosial - og heilsufaklig professión á støði við fysioterapi, ergoterapi, námsfrøði og sjúkrarøktarfrøði. Psykomotorisk Terapi hevur fokus á ta heila menniskja, og stuðlar menningini hjá tí einstaka út frá tí fatan, at man ikki kann skilja krop og sinn frá hvørjum øðrum. Tyngir okkurt sálarliga vil tað hava ávirkan á kroppin, og tyngir okkurt kropsliga vil tað hava sálarliga ávirkan.
"Fyri meg er tað eitt nú ein livitreyt at skulla liva við psoriasis og scoliose. Passi eg ikki gott nokk uppá meg sjálva, kemur tað kropsliga til sjóndar við plettum á kroppinum og pínu í rygginum, og kropsliga støðan stressar nervalagði og kann skapa lágt sjálvsvirði og sjálvsálit, so er tann óndi spiralurin í gongd. Her er kunsturin at læra psoriasis og scoliose at kenna, við øðrum orðum míni kropssignalir, so eg veit hvussu eg best kann passa uppá meg sjálva og halda symptomini niðrri." - Vár Næs
Psykomotorisk terapi styrkir kropstilvitanina - evnini til at kenna signalini hjá kroppinum, at siga frá og at megna sítt egna lív. Fokus er á at gerast tilvitandi um tað sum kennist trupult í gerandisdegnum og ikki minst tað sum eydnast. Dentur verður lagdur á menning út frá teimum ressourcum sum einstaklingurin hevur. Tá tað kann vera sera komplekst at arbeiða út frá einari heildarfatan, verður tað tikið støði í einari eklektiskari tilgongd, ið velur og samansetur ymiskar terapiformar frá ymiskum økjum, sum eitt nú narrativ terapi, kognitiv terapi og gestalt terapi. Psykomotorisk terapi hevur tvær greinar: Manuel viðgerð og Psykomotorisk undirvísing. Mítt fokus er á psykomotoriska undirvísing í tvørfakligum samstarvið við fokus á heilsufremjan, fyribyrging og rehabilitering.
Kropstilvitan
Kropstilvitan: "er en objektiv viden om egen krop, dennes tilstand og muligheder: F.eks. viden om kroppens dimensioner, spændingsforhold, vægt, bevægelsesmuligheder og styrke, den temperatur og hud. Kort sagt en biologisk og fysiologisk indsigt, hvor den fysiske krop er genstand for oplevelsen". Ruth Ryborg
Kropsuppliving: "er den i ethvert menneske integreret og dermed aktualiseret "levendegjort" kropsbevidsthed. Dvs kropsbevidsthed farvet af følelser, affekter og stemninger, der er bearbejdet, fortrængt, forvrænget eller måske skærpet af tidligere erfaringer fra den visuelle, auditive eller motoriske hukommelse, der igen er påvirket af abstrakte tanker, drømme og fantasier. Ruth Ryborg
Natúrterapi
Natúrterapi er eitt 312 tímars læringsprogram, ið byggir á æstetiskar læruprocessur og fænomenologiska undirvísing í natúruni. Natúrterapi tekur støði í at vit sum menniskju eru intimt knýtt at og ikki kunnu skiljast frá natúruni.
"Í 2020 upplivdi eg at vera í einum vegamóti. Eg bleiv natúrligani drigin út í natúruna, ið rúmaði meg sum eg var og ongin krøv hevði til mín. Í natúruni skifti eg millum at renna, ganga, hugsavna meg, gera øvilsir og hugleiða. Tað gjørdist sjónligt fyri mær hvat kroppurin royndi at fortelja mær, hvat ið tók orku og hvat ið gav orku, hvørji míni virðir eru og hvørjir dreymar eg havi um eitt gott lív sum passar mær. Tað var linnandi at vera í og saman við natúruni, men við psykomotoriskum amboðum var tað mennandi. Menningin hevur sett spor fyri lívið - stórri virðing fyri mær sjálvari, natúruni og mínum næsta." - Vár Næs
Undirvísingin er tætt knýtt at natúruni og verðini í sínum organiska tilstandi. Tað snýr seg um at finna eitt stað í natúruni og bara vera- eygleiða- og taka alt tað natúrliga og vakra inn sum er um okkum. Harumframt viðmælast langir gongutúrar í natúruni til fólk ið stríðast við strongd, tunglyndi ella uppliva tankameldur og spenningar í kroppinum. Natúrupplivilsir skapa møguleikan fyri at koma niður í tempo, føla ró og at realisera eitt meira djúpt samband við seg sjálvan og umheimin.
Uppmerksemisvenjing
ART deilur uppmerksemi upp í tveir formar fyri uppmerksemi: miðvíst uppmerksemi og spontant uppmerksemi. Miðvíst uppmerksemi er tá heilin arbeiður, skal vurdera, taka støðu til ymiskt og eitt nú flyta okkum frá a til b. Tað spontana uppmerksemi, ið kann geva eina pausu, aktiverast tá vit koma út í natúruna. Hetta skal sjálvsagt vera natúra sum kennist tryg at vera í.
Okkum tørvar báar formar av uppmerksemi fyri at koma ígjøgnum dagin, men eru vit í miðvísum uppmerksemi yvir ov langa tíð uttan at halda pausur, tá er tað at vit kunna gerast útbrend. Samfelagið koyrur skjótt og tað krevur uppmerksemi og kropstilvitan at fara ímóti streyminium - at seta ferðina niður og taka tær neyðugu pausurnar, so kroppurin kann fáa ró í gerandisdegnum.
Stephen og Rachel Kaplan greiða frá fýra fasum av uppmerksemi, ið eru ein partur av leiðuni til endurmenning:
